Размер шрифта: A A A
Цвет сайта: A A A A
Факторинг (қарзларни ундириш) — банкнинг хўжалик юритувчи субъектларни молиялаштириш бўйича хизмат тури. Унга кўра банк, тўловчилар томонидан акцептланган товар, бажарилган ишлар ва кўрсатилган хизматлар бўйича тўловларни ундиришга доир хўжалик юритувчи субъектларнинг ҳуқуқларини Регресс ҳуқуқисиз қабул қилади.

Факторинг операциялари «Ўзбекистон Республикаси ҳудудида тижорат банклари томонидан факторинг операцияларини амалга ошириш тартиби тўғрисида"ги Низом (ЎзР АВ рўйхати № 953, 03.08.2000 й.) асосида амалга оширилади.

Банк томонидан кўрсатилган факторинг хизмати учун қарздордан ҳақ ундириш муддати — 90 кунгача. Экспорт операциялари бўйича банкнинг факторинг хизматлари фақат чет эл валютасида йўқлаб олинадиган депозит ҳисоб рақамига эга кархона ва ташкилотларга кўрсатилади.

Факторинг хизматларини кўрсатишнинг мажбурий шарти тўловчининг муддати ўтиб кетган кредиторлик қарзларининг бўлмаслиги. Экспорт операцияларига факторинг хизматлар кўрсатишнинг мажбурий шарти етказиб берувчи корхонанинг чет эл шериги (партнёри) билан тузган экспорт контракти бўйича муддати ўтиб кетган дебитор қарзларининг бўлмаслиги.

Қуйидагилар бўйича Банк томонидан факторинг операциялари амалга оширилмайди:

  • бюджет ташкилотларига қўйиладиган талаблар бўйича;
  • жисмоний шахсларнинг қарз мажбуриятлари бўйича;
  • тўловга ноқобил деб эълон қилинган корхоналар мажбуриятлари бўйича;
  • зарар келтирадиган корхоналар бўйича;
  • ноликвид балансга эга корхоналар бўйича;
  • капитал маблағларни молиялаштириш бўйича;
  • экспорт бўйича консигнацион контрактлар бўйича;
  • бадал (товон) тўлаш ва бартер битимлари бўйича;
  • ишга босқичма-босқич ёки бўнак биланҳақ тўлаш бўйича;
  • тўловчи маҳсулотни шартномада кўрсатилган муддат давомида қайтариш ҳуқуқига эга бўлганда.
Белгиланган матнни тинглаш учун қуйидаги тугмани босинг By Speech