Размер шрифта: A A A
Цвет сайта: A A A A

Кредит турлари

Янгиланган сана:  8 Феврал 2021, 17:39
ЮРИДИК ШАХСЛАР ВА ЮРИДИК ШАХС МАҚОМИГА ЭГА БЎЛМАГАН ТАДБИРКОРЛИК СУБЪЕКТЛАРИГА

Банк қуйидаги йўналишлар бўйича кредитлар ажратади:

  • Саноат маҳсулотлари ишлаб чиқариш ва қишлоқ хўжалиги маҳсулотларини етиштириш, сақлаш, қайта ишлаш учун асосий фондларни шакллантириш, чорвачилик, паррандачилик ва бо-дорчиликни ташкил этиш, хизмат кўрсатиш, савдо умумий овқатланиш, алоқа хизматлари объектларини қуриш ва реконструкция ишларини бажариш учун ажратиладиган инвестицион кредит(лизинг)лар, шунингдек кўп қаватли уйлар қурилиши учун ажратиладиган узоқ муддатли кредитлар бўйича:

  • қарз олувчи кредит ҳисобига харид қилинаётган товар (иш ва хизматлар) қийматининг 30 фоиз ва ундан ортиқ миқдордаги тўловни  ўз маблағи ҳисобидан амалга оширганда йиллик фоиз ставкаси - 21% миқдорида;

  • қарз олувчи кредит ҳисобига харид қилинаётган товар (иш ва хизматлар) қийматининг 15 фоиз ва 30 фоизгача миқдордаги тўловни  ўз маблағи ҳисобидан амалга оширганда йиллик фоиз ставкаси - 23% миқдорида;

  • Енгил турдаги автотранспорт воситаларини кредит ҳисобидан сотиб олганда йиллик фоиз ставкаси камида – 25% миқдорида;

  • Юридик шахслар ва юридик шахс мақомига эга бўлган тадбиркорлик субъектларини айланма маблағларни кўпайтириш учун миллий валютадаги кредитлар йиллик фоиз ставкаси  – 24% миқдорида.

Ажратиладиган кредитлар муддатлари:

Кредит ажратиш муддатлари кредитланаётган тадбирнинг қоплай олиниши муддатларига боғлиқ, шу жумладан:

  • Қарз олувчи ўз фаолиятини бошлаши учун айланма маблағларни шакллантириш ва инвестиция лойиҳасининг техник-иқтисодий асосланишини ишлаб чиқишга - 12 ой муддатгача;
  • Хусусий тадбиркорлар,деҳқон хўжаликлари ва кичик бизнеснинг бошқа субъектларига асосий фондларни шакллантиришга микрокредитлар 36 ой муддатгача муддатга, кредит муддатини узайтириш ҳуқуқисиз берилади;
  • Инвестиция лойиҳаларини молиялаштиришда кредит муддати лойиҳанинг ўзини-ўзи қоплаш муддатидан келиб чиқиб, 60 ой муддатгача; 

Кредит бериш тўғрисидаги аризанинг кўрилиши учун тақдим этиладиган ҳужжатлар:

  • Қарздор томонидан имзоланган ва кредитдан фойдаланиш мақсади, муддати,фоизи ҳамда тақдим этиладиган таъминот кўрсатилган ариза;
  • Қарз олувчининг таъсис ҳужжатлари ва давлат рўйхатидан ўтганлиги тўғрисида гувоҳномалари нусхалари, бунда ҳужжатнинг нусхалари масъул кредит ходими томонидан қарз олувчининг юридик хужжатларидан олиниши лозим;
  • Қарз олувчининг банк ҳисобварағига пул тушумлари (пул оқими) прогнози кўрсатилган бизнес-режа;
  • Агар шахс қарздорнинг вакили бўлса, қарздор номидан кредит шартномасини имзолаш ҳуқуқини тасдиқдовчи ҳужжат, имзолар нусхаси;
  • Қабул қилинган бухгалтерия стандартларига мувофиқ тайёрланган, охирги ҳисобот санасида қарздор томонидан имзоланган молиявий ҳисоботлар, жумладан баланс ҳисоботи ҳамда даромадлар ва пул оқимига доир ҳисоботлар;
  • Сўралаётган кредит таъминотига оид ҳужжатлар;
  • Товарлар(иш ва хизматлар)ни сотиб олиш ва сотиш бўйича шартнома ёки контрактлар;
  • Кредит сўраётган юридик шахс таъсисчиларининг кредит олишга ёки мулкини гаровга бераётган юридик шахсларнинг мулкини гаровга беришга розилиги;
  • Зарурият туғилганда кредитлаш жараёни билан боғлиқ бошқа хужжатлар.

Кредит буюртмаси қурилиш, кўчмас мулкни қайта қуриш ёки капитал таъмирлаш мақсадида берилганда қуйидаги қўшимча хужжатларилова қилиниши лозим:

  • Қурилиш учун ер участкасининг ажратилиши (ҳокимиятнинг қурилишга берган рухсати);
  • Лойиҳа-смета хужжатлари;
  • Давлат архитектура қурилиши назорати инспекцияси рухсатномаси;
  • Мустақил эксперт комиссияси ва экологик экспертиза хулосалари;
  • Қурилиш таваккалларини суғурта қилиш тўғрисидаги шартнома;
  • Бош пудратчи ва буюртмачи ўртасидаги шартнома ёки контракт

Кредит таъминоти сифатида учинчи шахс кафиллиги тақдим этилса,қуйидаги қўшимча хужжатларни тақдим этилади:

  • кафил ташкилотнинг таъсис ҳужжатлари, молиявий ҳисоботларива молиявий ахволининг қониқарли эканлигини тасдиқловчи аудитор хулосаси нусхалари;
  • шахснинг, кафил номидан шартномани (мажбуриятни) имзолаш ҳуқуқига эгалигини тасдиқловчи, хужжатлар. (Имзолар намуналари карточкаси ва ҳ.к);
  • кафил ҳисоб рақамининг молиявий ҳолати (ҳисоб рақамида пул маблағлари мавжудлиги), картотека-2 ва ссуда бўйича қарзлари ҳақида банк томонидан берилган маълумотнома;
  • кафил таъсисчиларининг кафиллик беришга розилиги тўғрисидаги ҳужжат.
Белгиланган матнни тинглаш учун қуйидаги тугмани босинг By Speech