Туронбанк ходимлари ўртасида футбол мусобақаси!
Инсон қайси соҳада фаолият олиб бормасин, кундалик тартиб режасидан албатта спорт билан шуғулланиб, доимий жисмоний ҳаракатда бўлиш ўрин олиши лозим. Бунинг натижасида тананинг физиологик ҳолати яхшиланиб, унда ишчанлик коэффициенти бир неча карра ошади. Туронбанк раҳбарияти ҳам фаолиятда замонавий HR тизимини қўллаган ҳолда, бутун Республика миқёсида меҳнат қилаётган ходимларининг интеллектуал, соҳавий ва жисмоний кўникмаларини мунтазам мустаҳкамлаб келмоқда. 9 - 10 октябр кунлари пойтахтда ўтаёган мини – футбол бўйича “Раис кубоги - 2021” мусабақаси сўзимизнинг яққол исботидир. Унда ҳудудларда мавжуд 20 та филиал ва Бош банкдан, жами 21 та жамоа ғолиблик учун курашишди.
Қизғин беллашувлар давомида ҳар бир жамоа ўз имкониятларини намойиш этиб, ғолиблик учун муросасиз курашди. Якунда Андижон филиали жамоаси биринчи, Урганч филиали ходимлари иккинчи ва гулистонлик банкирлар учинчи ўринни эгаллашди. Ғолибларга замонавий гаджетлар ва рамзий бошқарув Раиси кубоги топширилди.
Шунингдек, “Энг яхши дарвозабон”, “Энг яхши ҳужумчи” “Энг яхши ўйинчи” ва “Энг яхши жамоа” номинациялари бўйича ҳам лойиқ кўрилганлар эсдалик совғалари билан тақдирланишди.