Размер шрифта: A A A
Цвет сайта: A A A A

Осиё тараққиёт банки Толимаржон иссиқлик электростанциясини (ИЭС) кенгайтириш ишларига 450 миллион доллар кредит ажратади

15 Jul 2016

Ўзбекистон ҳукумати мамлакат жанубида жойлашган Қашқадарё вилоятидаги Толимаржон иссиқлик электростанциясини (ИЭС) кенгайтириш ишларига Осиё тараққиёт банкининг (ОТБ) кредитини жалб қилишни режалаштирмоқда.

ОТБ расмий сайтининг маълумотларига кўра, Ўзбекистон Толимаржон ИЭС модернизациясининг иккинчи босқичини амалга ошириш учун 450 миллион доллар миқдоридаги кредитни жалб қилмоқчи.

Дастлабки ИЭС лойиҳаси 2016 йилнинг охирига қадар ишлаб чиқилиши кутилмоқда. ОТБ кредит сўровини 2017 йилнинг бошида кўриб чиқади. Лойиҳада 2020 йилгача яна иккита 450 МВт қувватга эга буғ-газ созламасининг (БГС) қурилиши кўзда тутилган. Лойиҳанинг дастлабки қиймати 900 миллион долларни ташкил қилади.

Шуни таъкидлаш жоизки, Жанубий Кореянинг Daewoo ва Hyundai компаниялари бугунги кунда Толимаржон ИЭСни модернизациялаш лойиҳасини амалга оширмоқда. Мазкур лойиҳанинг қиймати – 861 миллион доллар. Шартномага кўра, консорциум 450 МВт қувватга эга икки БГС станциясида “Калит” қурилишни амалга оширади. Mitsubishi Corporation (Япония) БГС провайдери ҳисобланади. Қурилишнинг тугатилиши 2016 йилнинг декабрь ойига мўлжалланган.

Умумий қиймати 1,28 миллиард доллар бўлган лойиҳанинг молиялаштирилиши учун ОТБнинг 350 миллион долларлик, Япония халқаро тараққиёт агентлигининг (JICA) 300 миллионлик ҳамда Ўзбекистон Республикаси Тикланиш ва тараққиёт жамғармасининг 250 миллион долларлик кредити, шунингдек “Ўзбекэнерго” АЖнинг шахсий маблағи ҳисобига амалга оширилмоқда.


Манбаа: www.bank.uz

/ Манба: кўрсатилмаган / Кўришлар: 95
Белгиланган матнни тинглаш учун қуйидаги тугмани босинг By Speech