Туронбанк ҳамда “Сколково” Москва бошқарув мактаби ўртасида қўшма лойиҳага старт берилди!
Бизнес жараёнларни оптималлаштириш, мавжуд тизим ва дастурларни янгилаш эвазига технологияларни автоматлаштириш бўйича трансформация ишларини бошлаб юборган Туронбанк, доимгидек менежментнинг асосий бўғини бўлмиш топ – менежерларнинг тажриба ва кўникмаларини оширмоқда.
“Тeam building” форматининг 2023 йилги мавсумини МДҲ ва Европа хусусий бизнес мактабларининг кучли рейтингларида етакчилик қилувчи “Сколково” Москва бошқарув мактаби менторлари очиб беришди. 13 – 14 январ кунларига мўлжалланган махсус семинар – тренингда Туронбанк Бошқарув аъзолари, департамент директорлари ҳамда мустақил бошқарма бошлиқлари иштирок этишди.
Сессияларда асосий эътибор “Стратегия ва мақсадларни тўғри белгилаш”, “Мижозлар учун ноодатий таклифларни яратиш”, “3 ва 5 йиллик ривожланиш “Roadmap”ларни тузиш”, “Бўлажак молия бозорини бугундан ўрганиш ва унга тайёргарлик кўриш”, “Замонавий HR тизимини қўллаган ҳолда менежментга инвестиция киритиш”, “Корпоратив мижозлар билан янгича ишлаш” каби мавзуларга қаратилди.
Халқаро бизнес-коучлар Даниил Добрынченко, Егор Кривошея, Олеся Титова, Анна Семенова ва Юлия Сосниналар банкирларни гуруҳларга бўлган ҳолда жонли дискуссиялар орқали ўз тажрибалари билан ўртоқлашишди. Шунингдек, МДҲ ва Европада юқори нуфузга эга молия муассасаларининг иш юритуви, улар амалга оширган трансформация жараёнлари ва стратегиялари бўйича ҳам тақдимотлар қилинди.
Мазкур икки кунлик маҳорат дарслари Туронбанк топ – менежментининг трансформация борасидаги билимларини янада ошириб, ушбу жараёнларда қандай йўл тутиш кераклиги бўйича кўплаб саволларига жавоб бўлди.
