Февраль ойида буюк аждодларимиз Алишер Навоий ҳамда Заҳириддин Муҳаммад Бобурнинг таваллуд топган кунлари муносабати билан турли тадбирлар ва адабий кечалар ўтказилиши ҳеч кимга сир эмас. «Туронбанк» АТБда ўтказилган навбатдаги Маънавият соати ҳам буюк адабиёт султони Алишер Навоий ҳамда шоҳ ва шоир Заҳириддин Муҳаммад Бобурнинг босиб ўтган ҳаёт йўли ҳамда ижодига бағишланди. Мумтоз адабиётимиз тарихидаги икки буюк сиймо ижодини ўрганиш орқали чинакам инсон ҳаёти қандай бўлиши кераклиги ҳақида етарлича тасаввурга эга бўлишимиз мумкин.
Маънавият соатида Алишер Навоий номидаги Давлат адабиёт музейи директори ўринбосари, филология фанлари номзоди, доцент Отабек Жўрабоев ҳамда музейи илмий ходими Абдурасул Эшонбобоев иштирок этди. Тадбир давомида Бобур ижодий меросининг оламшумуллиги ҳамда Алишер Навоийнинг ижоди, ғазалларию достонлари ҳамда уларда сўз юритилган мавзулар борасида суҳбат қурилди.