Turonbankda ochiq osmon ostida o’tkaziladigan seminarlarga start berildi

“Turonbank” ATBda xodimlarning bilim va ko’nikmalarini oshirish maqsadida turli formatdagi seminar-treninglar o’tkazish an’anaga aylangan. Navbatdagi seminar Chakana biznes departamenti va chakana biznes yo’nalishida BXM hamda BXOlarda faoliyat olib boruvchi xodimlar uchun tashkil etildi.

Seminar davomida Turonbankda amalga oshirilayotgan transformatsiya jarayonlarida Chakana biznes yo'nalishida amalga oshirilayotgan ishlar tahlil qilinib bu bo'yicha xodimlar oldida turgan vazifalar batafsil tushuntirildi. O'z navbatida amaliyotda yuzaga kelayotgan vaziyatlar ham mutaxassislar ishtirokida muhokama etildi. 

2 kunlik seminar davomida ishtirokchilar nafaqat o’z bilim va ko’nikmalarini oshirish balki hamkasblar bilan fikr almashish, yangi g’oya va tashabbuslarni muhokama qilish imkoniyatiga ham ega bo’lishdi.

Seminar doirasida O'zbekiston bo'ylab ichki tuzirmni rivojlantirish maqsadida ishtirokchilar uchun "Yangi O’zbekiston bog’i" va Toshkent viloyatining tog’li hududlarida joylashgan turistik zonalarga ekskursiyalar ham uyushtirildi.