Urganchda “Limon hosili sayli” ko‘tarinki ruhda bo‘lib o‘tdi!

Urganchda “Limon hosili sayli” ko‘tarinki ruhda bo‘lib o‘tdi!

Xorazm viloyati, Urganch tumani, “Sholikorlar” MFY hududida joylashgan, “Fayz Baraka Xorazm” MChJga tegishli 6 gektarlik issiqxonada “Turonbank“ ATB va tuman hokimligi hamkorligida ko‘rgazmali seminar o‘tkazildi. Tadbir limonchilar, bog‘bonlar va tadbirkorlar uchun yangi imkoniyatlar eshigini ochish, sohadagi bilim va tajribalarni oshirish maqsadida uyushtirildi.

Tadbirda Urganch tumani hokimining 1-urinbosari J.Holmetov, qishloq xo‘jaligi mutaxassislari, “Sholikorlar” MFY mahalla yettiligi, viloyatdagi limon yetishtiruvchi 60 ga yaqin tadbirkor va fuqarolar ishtirok etdi.

Seminar davomida ishtirokchilarga limonchilikni rivojlantirish bo‘yicha davlat dasturlari, ilmiy-innovatsion yondashuvlar, xalqaro tajribalar, tijorat banklarining imtiyozli kreditlari, limon ko‘chatini parvarish qilish va foyda olish bo‘yicha zarur ma’lumotlar berildi.

Shuningdek, limonni qayta ishlash va eksport qilish bo‘yicha yangi loyihalar yuzasidan ishtirokchilar bilan suhbat o‘tkazilib, tajriba almashish va sohadagi eng ilg‘or usullarni muhokama qilish imkoniyati yaratild