Tadbirlar

“Korrupsiya – kelajakka tahdid” mavzusida o‘quv-seminar bo‘lib o‘tdi!

Poytaxtimizdagi “Yoshlar ijod saroyi”da 21-22 may kunlari bo‘lib o‘tgan respublika o‘quv-seminarida mingdan oshiq faol yoshlar markazda hamda joylardan online targ‘ibotchilar, mutasaddilar ishtirok etdi. Tadbirda korrupsiyaga qarshi kurashish yo‘nalishida tajriba almashildi, amaliy mashg‘ulotlar o‘tkazildi.

Ushbu muhim yig‘inda ”Turonbank” ATB Boshqaruv Raisining matbuot kotibi Shoxrux Qo‘chqarov ishtirok etib, bank tizimidagi korrupsiyaning oldini olish bo‘yicha amalga oshirilayotgan chora-tadbirlar haqida so‘z yuritdi.

Xususan:

• ichki nazorat va shaffoflik tizimi,
• xodimlar o‘rtasida korrupsiyaga nisbatan murosasizlik tamoyilini mustahkamlash,
• doimiy huquqiy treninglar haqida atroflicha ma’lumot berdi.

Seminar yakunida Sh.Qo‘chqarov Oliy Majlis Senati huzurida yangi tashkil etilgan Korrupsiyaga qarshi kurashish targ‘ibotchilar kengashi a’zosi sifatida bir ovozdan saylandi. Bu esa Turonbank jamoasining adolatli tizimga bo‘lgan sadoqatining isbotidir.

”Turonbank” ATB korrupsiyani qat’iyan qoralaydi va unga qarshi murosasiz kurashadi