• Vakant lavozimlarga munosib nomzodlarni tanlash;
• yosh xodimlarni qoʻllab-quvvatlash;
• kadrlar zaxirasini shakllantirish;
• xodimlarni oʻqitish va rivojlantirish;
• korporativ qadriyatlarni rivojlantirish.
Vakant lavozimlarga munosib nomzodlarni tanlash.
Vakant lavozimga nomzodlar tanlov asosida saralab olinadi. Tanlov “Turonbank” aksiyadorlik tijorat banki tizimida mavjud vakant lavozimlarni munosib nomzodlar bilan butlash maqsadida oʻtkaziladi.
Tanlovni tashkil etishda shaffoflikni taʼminlash maqsadida test-sinovlari zamonaviy axborot texnologiyalaridan foydalanilgan holda amalga oshiriladi.
Shaffoflik tamoyili:
• vakant lavozimlar haqidagi maʼlumotlarni “Turonbank” ATBning rasmiy veb-saytida va boshqa ijtimoiy tarmoqlarida ochiq joylashtirish;
• tanlovning dastlabki bosqichini axborot texnologiyalaridan foydalangan holda inson omilini qisqartirish orqali amalga oshirish;
• nomzodlar bilan suhbat oʻtkazish maqsadida Ekspert guruhi tuzish;
• nomzodlarga tanlov natijalarini maʼlum qilish orqali taʼminlanadi.
Shuningdek, “Turonbank” ATBning maxsus stipendiya dasturi boʻyicha tanlov oʻtkazilib kelmoqda. Tanlovda respublikaning moliya-iqtisod yoʻnalishlari boʻyicha ixtisoslanuvchi oliy oʻquv yurtlarining iqtidorli talabalari orasidan reyting baholari, test natijalari, xorijiy tillarni bilish darajasi hamda makroiqtisodiyot va mantiqiy fikrlashi yuzasidan oʻtkaziladigan suhbat yakuni boʻyicha eng iqtidorli talabalar tanlab olinadi.
Yosh xodimlarni qoʻllab-quvvatlash.
“Turonbank” ATB tizimiga yangi ishga qabul qilingan xodimlarni moslashtirish boʻyicha sezilarli ishlar amalga oshirildi. Mazkur jarayon malakali mutaxassislar tomonidan olib borilib, yoshlarning ish oʻrinlariga tezroq moslashib, jamoaviy ishlash koʻnikmalarining shakllanishiga imkoniyatlarni bermoqda. Qayd etishimiz lozim, mazkur jarayonlarni tizimga tatbiq etishda xorijiy davlatlar markaziy banklari tajribasi va xalqaro ekspertlarning fikr va takliflaridan keng foydalanilmoqda.
Kadrlar zaxirasini shakllantirish
Kadrlar resursidan oqilona foydalanish ishlari samarali tashkil etish maqsadida har yili rahbarlik lavozimlari uchun salohiyatli kadrlardan iborat zaxira tarkiblari tasdiqlanadi. Zaxira tarkibidagi xodimlarni rivojlantirishga, ularning yetakchi xorijiy universitetlarda taʼlim olishlariga va xalqaro institutlarda malakalarini oshirishga, shuningdek, yirik anjuman va xalqaro uchrashuvlarda munosib ishtirok etishiga alohida eʼtibor qaratiladi.
Xodimlarni oʻqitish va rivojlantirish
“Turonbank” ATB tizimida xodimlarni tayyorlash, qayta tayyorlash, malakasini oshirish boʻyicha uzluksiz tizim yaratilgan boʻlib, u oʻz ichiga milliy va xalqaro tashkilotlar, moliya institutlari hamda boshqa tashkilotlar tomonidan tashkil etilayotgan seminar, oʻquv kurslari, treninglar, xalqaro anjumanlar, stajirovka va xorijiy xizmat safarlarini qamrab oladi.
Korporativ qadriyatlarni rivojlantirish
“Turonbank” ATB tizimida xodimlar oʻrtasida korporativ madaniyatni yanada oshirish oʻzaro doʻstlik hamda jamoa ishlarida faol boʻlishni targʻib etish maqsadida ular oʻrtasida sport musobaqalari, yurtimizning diqqatga sazovor maskanlari, tarixiy obidalari, teatr va sanʼat maskalari hamda muzeylarga jamoaviy tashriflar doimiy oʻtkazib kelinishi yoʻlga qoʻyilgan.
Hajmi: 59.43 МБ
Format: pdf
Format: pdf
