"Turonbank" ATBda xodimlarning aqliy rivojlanishi yo‘lida amalga oshirilayotgan ishlar jadal tarzda davom etmoqda. Avval xabar berganimizdek, Bankni transformatsiya qilish jarayonlarida moliya muassasasi xodimlarining bilim va tajribasini oshirish uchun o‘quv-treninglarga start berilgan edi.
Navbatdagi trening Xorazm bank xizmatlari markazi xodimlari uchun o‘tkazildi. O‘quv seminar davomida Banklar va bank faoliyati qonunchiligi, Xizmat ko‘rsatish standartlari, "Colvir" dasturida ishlash, Chakana va korporativ xizmatlar ko‘rsatish hamda psixologiya, taym-menedjment singari mavzularda ma’ruza va amaliy mashg‘ulotlar o‘tkazildi.
Eslatib o‘tamiz har bir mavzu bo‘yicha xodimlar maxsus test sinovlaridan ham o‘tkaziladi. Mazkur o‘quv-treninglar Turonbankning Respublika bo‘ylab barcha hududlardagi BXM va BXOlarida o‘tkaziladi.