«Туронбанк» АТБ пойтахтимиздаги «Кўргазма Савдо Маркази» кўргазмалар мажмуасида бўлиб ўтаётган «BankExpo - 2019» - банк технологиялари, ускуналари ва хизматларининг навбатдаги XII анъанавий кўргазмасида фаол иштирок этмоқда.
Кўргазмага ташриф буюрувчилар молия-банк тизимининг янада ривожланишига хизмат қилувчи илғор технологиялар, инновацион воситалар, хусусан замонавий ахборот технологияларидан янада самарали фойдаланиш йўналишлари билан яқиндан танишишди.
Қайд этиш лозимки, замонавий технологиялар билан бойитилганТуронбанк стэндига ташриф буюрувчикўргазма иштирокчилари, тадбиркорлик субъектлари ҳамда ўқув муассасалари битирувчилари банк томонидан тақдим этилаётган хизмат турлари билан яқиндан танишиш имкониятига эга бўлишди.
Шунингдек, кўргазма доирасида банк мутахассислари томонидан банк хизматлари, мижозлар учун имтиёзлар ва чегирмалар ҳақида маълумот бериш мақсадида тақдимотлар ўтказилди.
