“Turonbank” Top - menejment Moskvada!
Biznes jarayonlarni optimallashtirish, mavjud tizim va dasturlarni yangilash evaziga texnologiyalarni avtomatlashtirish bo‘yicha transformatsiya ishlarini olib borayotgan Turonbank boshqaruvi, doimiy tarzda o‘z menejmentining tajriba va ko‘nikmalarini oshirib kelmoqda.
Xususan, “Team building” formatidagi o‘quv dasturlarining 2023-yilgi mavsumi MDH va Yevropa xususiy biznes muassasalarining kuchli reytinglarida yetakchilik qiluvchi “Skolkovo” Moskva boshqaruv maktabi bilan boshlandi. Turonbank bilan o‘zaro hamkorlik doirasida joriy yilning yanvar, iyun va aprel oylarida “Transformatsiya”, “Strategik marketing” va “Zamonaviy HR tizimini qo‘llagan holda menejmentga investitsiya kiritish” bo‘yicha 2 ta modulda 150 nafar bankirlar o‘z tajriba va ko‘nikmalarini oshirishdi. Ularga Daniil Dobrinchenko, Egor Krivosheya, Olesya Titova, Anna Semenova, Yuliya Sosnina, Viktor Shkipin, Yelena Vitchak singari xalqaro biznes-kouch va mentorlar maxsus treninglar o‘tishdi.
Joriy yilning 26 - 28-avgust kunlari esa Turonbankning barcha hududiy bo‘limlarida faoliyat olib borayotgan xodimlardan yig‘ilgan 50 kishilik jamoa “Skolkovo” Moskva boshqaruv maktabining bevosita Rossiya Federatsiyasida joylashgan kampusida malaka oshirish imkoniyatiga ega bo‘lishdi. Aytish kerakki, qariyb 80 ming kv. metr maydonda joylashgan kompleks 2006-yilda tashkil etilgan bo‘lib, o‘ziga xos noodatiy dizaynga ega. Bugungi kunda bu yerda 20 turdagi yo‘nalishlar orqali 130 dan ortiq dasturlar bo‘yicha tinglovchilar o‘qitiladi. Turonbank xodimlari ham “Loyihalarni boshqarish va o‘zgarishlarni amalga oshirish” nomli 3 - modul ta’lim dasturida ishtirok etish uchun o‘zlariga biriktirilgan auditoriyalarda jam bo‘lishdi.
26 – 28-avgust kunlariga belgilangan o‘quv – treninglari odatiy ma’ruza shaklida emas balki interaktiv usullar bilan “Akademik blok”, “Amaliyot”, “Loyiha bilan ishlash” hamda “Umumiy muhokamalar” kabi qismlarda bo‘lib o‘tdi. Turonbank xodimlariga 20-yillik tajribaga ega biznes amaliyotchi, “Skolkovo” Moskva boshqaruv maktabining professori Pavel Alferov dars o‘tdi.
Turonbank jamoasi uchun ajratilgan maxsus auditoriyada xodimlar boshqaruv tizimlarining ahamiyati, loyihalarni baholash va ishchi guruhlarni shakllantirish, mavjud muammolarni hal etish usullari, loyihada liderlarning o‘rni kabi ko‘plab mavzularda maxsus seinarlarni tinglashayapti va o‘zlarini qiziqtirgan savollariga javob olishdi.
