Ayni damda Turonbank tomonidan tashkil etilgan “Zakovat” intellektual o‘yinining final bosqichi o‘tkazilmoqda. Ushbu yakuniy bellashuvda hududiy va saralash bosqichlaridan muvaffaqiyatli o‘tgan eng kuchli 32 ta jamoa ishtirok etib, bilim, mantiqiy tafakkur, tezkor fikrlash va jamoaviy strategiya bo‘yicha o‘zaro kuch sinashmoqda.

Hududlaridan saralangan jamoalar final bosqichida bir maydonga jam bo‘lib, tobora murakkablashib borayotgan savollar orqali haqiqiy intellekt va tafakkur janglarini namoyon etyapti.

Abdurasul Abdullayev boshchiligidagi “Zakovat” klubi bilan intellektual o’yin juda qiziqarli va hayajonli daqiqalarga boy tarzda o’tmoqda. 

Turonbank tashabbusi bilan tashkil etilgan ushbu nufuzli musobaqa bilim va tafakkur tantanasiga aylanib, eng zukko va bilimdon jamoalarni aniqlash sari qizg‘in davom etyapti