1-apreldan yangi tartib amalda: Turonbank rahbari jarayonlarni joyida o‘rgandi

2026-yil 1-apreldan boshlab, PF-246-son Farmon asosida ayrim to‘lov turlari to‘liq naqdsiz shaklga o‘tkazildi va yangi tartib amaliyotga joriy etildi.

Mazkur jarayonlarning ilk kunidayoq TuronBank Boshqaruvi Raisi boshchiligidagi ishchi guruh avtomobillarga yoqilg‘i quyish shoxobchalari (AYOQSh) hamda notarial idoralarda bo‘lib, tizimning real ishlash jarayonini bevosita o‘rgandi.

O’rganishlar davomida:

• yangi to‘lov tizimlarining ishlashi
• mijozlarga yaratilgan qulayliklar
• amaliyotda yuzaga kelayotgan savollar va muammolar atroflicha tahlil qilindi.

Shuningdek, mijozlar bilan bevosita muloqotlar o‘tkazilib, ularning fikr va mulohazalari tinglandi. Fuqarolarga yangi tartibning mazmun-mohiyati, afzalliklari va foydalanish tartibi yuzasidan tushuntirishlar berildi.

Ushbu yangiliklar orqali:

• to‘lov jarayonlari yanada tez va qulay bo‘lmoqda
• moliyaviy operatsiyalarda shaffoflik oshmoqda
• zamonaviy to‘lov vositalaridan foydalanish kengaymoqda

Turonbank tomonidan olib borilayotgan bunday amaliy yondashuvlar islohotlarning samarali joriy etilishida muhim ahamiyat kasb etmoqda.