Bulung‘urda tomorqa maktabining navbatdagi o‘quv seminari tashkil etildi

“Bulung‘ur Agrostar” MChJ hamda “Turonbank” ATB Bulung‘ur BRM mutaxassislari ishtirokida og‘ir mahallalarda tomorqa yerlaridan samarali foydalanish va daromadni oshirishga qaratilgan o‘quv seminari bo‘lib o‘tdi.

Seminar davomida ishtirokchilar bilan quyidagi yo‘nalishlarda amaliy tavsiyalar va tajribalar ulashildi:

• yuqori avlodli kartoshka urug‘larining afzalliklari;  
• tuproq tahlili va unumdorlikni oshirishning samarali usullari;  
• ekin maydonlaridan unumli foydalanishning zamonaviy texnologiyalari;  
• suvni tejash hamda tomchilatib sug‘orish tizimlari.

Mazkur loyiha tomorqalardan olinadigan daromadni ko‘paytirish, aholi bandligini ta’minlash hamda qishloq xo‘jaligida zamonaviy yondashuvlarni keng joriy etishga xizmat qilmoqda.

Turonbank — farovonlik yo‘lida ishonchli hamkor.