2021-yil 12-mart kuni “Turonbank” ATB tizimida ma’naviy-ma'rifiy ishlarning yangi tizimini yaratish bo‘yicha 2021-yil uchun “Yo‘l xaritasi” bandlarining ijrosi yuzasidan 8-mart “Halqaro xotin-qizlar kuni” bayrami munosabati bilan “Jannat onalar oyog‘i ostidadir” hamda 21-mart-Navruz-birdamlik bayrami mavzusida ma’naviy-ma'rifiy tadbir o‘tkazildi. Bayram tadbiriga O‘zbekiston Respublikasi xalq artisti – Munojot Yo‘ldosheva mehmon sifatida tashrif buyurdi.

“Turonbank” ATB O‘quv markazi direktori I.T.Salamov majlisni kirish so‘zi bilan ochib, bugungi tadbir 8-mart “Halqaro xotin-qizlar kuni” bayrami munosabati bilan “Jannat onalar oyog‘i ostidadir” mavzusida hamda 21-mart - Navruz-birdamlik bayrami mavzusida ekanligini aytib o‘tdi va barcha ayollarni 8-mart bayrami bilan yana bir bor tabrikladi. Shuningdek, bankning barcha xodimlarini yaqinlashib kelayotgan Navruz-yangilanish, bahor bayrami bilan qutladi.

So‘z navbati hurmatli mehmon sifatida chaqirilgan O‘zbekiston Respublikasi xalq artisti – Munojot Yo‘ldoshevaga berildi. M.Yo‘ldosheva o‘z ma’ruzasida avvalo “Turonbank” ATB xodimlari bilan uchrashib turganidan va mana shu uchrashuvni tashkil qilgan bank rahbariyatiga o‘z minnatdorchiligini bildirdi va barcha xodimlarni yaqinlashib kelayotgan Navruz bayrami bilan tabrikladi. Hamda ushbu tadbir ayollar bayrami va Navruz umumxalq bayrami munosabati bilan o‘tkazilayotgan ekan, barchani bayramona ruhda mumtoz qo‘shiqlarimizdan tinglashga, hamda raqsga tushishga taklif qildi.

Tadbir mehmoni jonli ovozda o‘zbek mumtoz va milliy qo‘shiqlarini kuyladi. Shundan so‘ng, bank xodimlari mehmonga o‘zlarini qiziqtirgan savollarni berdilar.

“Turonbank” ATB O‘quv markazi direktori I.T.Salamov taklif qilingan mehmonga qimmatli vaqtini ayamay bankimizga tashrif buyurgani uchun chuqur minnatdorchiligini bildirib o‘tdi hamda mehmonga bank nomidan esdalik sovg‘a topshirildi. M.Yo‘ldosheva taklif va sovg‘a uchun yana bir bora minnatdorchilik bildirib, barcha xodimlarning kelgusi ishlariga omad va zafarlar tiladi.