Startaplar uchun yangi imkoniyatlar eshigi ochildi!

Joriy yilning 26-mart kuni O‘zbekiston Respublikasi Prezidentining PF-58 Farmonida belgilangan vazifalar ijrosi doirasida Oliy ta’lim, fan va innovatsiyalar vazirligi, Yoshlar ishlari agentligi, “Turonbank“ ATB hamda Yangi O‘zbekiston universiteti hamkorligida tashkil etilgan startapchilar bilan uchrashuv muvaffaqiyatli yakunlandi.

Uchrashuv davomida:

• startap loyihalarni qo‘llab-quvvatlash mexanizmlari
• moliyalashtirish imkoniyatlari
• bank va yoshlar o‘rtasidagi hamkorlikni kengaytirish masalalari atroflicha muhokama qilindi.

Ishtirokchilar o‘z g‘oyalari va takliflari bilan faol qatnashib, istiqbolli loyihalar yuzasidan muhim kelishuvlarga erishdilar.

“Turonbank“ ATB tomonidan esa startaplarni qo‘llab-quvvatlash, ularni moliyaviy jihatdan rag‘batlantirish va amaliy yordam ko‘rsatish borasidagi ustuvor yo‘nalishlar taqdim etildi.

Mazkur uchrashuv innovatsion loyihalarni rivojlantirish, yosh tadbirkorlarni qo‘llab-quvvatlash hamda hamkorlik aloqalarini yanada mustahkamlashda muhim qadam bo‘ldi.

Turonbank bilan — g‘oyalaringiz haqiqatga aylanadi!