Halol raqobat tamoyillariga rioya qilgan tarzda moliya bozorida barqaror, ishonchli, doimiy sheriklarning obro‘-e’tiborini egallash va mustahkamlash, mijozlar manfaatlaridan kelib chiqqan holda, ular uchun afzal bo‘lgan shartlar asosida keng ko‘lamdagi bank xizmatlarini ko‘rsatish, bu bilan hamkorlar, investorlar va bankning potensial aksiyadorlarining bankga bo‘lgan ishonchi va qiziqishini orttirish.
Ichki strategik rivojlanish dasturiga muvofiq, Turonbank o‘z faoliyatining barqarorligini ta’minlaydi va asosiy e’tiborini o‘z resurslarining rivojlanayotgan istiqbolli sohalarga yo‘naltirish, iqtisodiyot real sektorini mablag‘ bilan ta’minlashda bank ishtirokini kengaytirish, mijozlar bazasini kengaytirish va diversifikatsiya qilish, raqobatli muhitni rivojlantirish va bank xizmatlarini yaxshilashga qaratadi.
Maqsad
Bank faoliyatini kenggaytirish, takomillashtirish va har bir mijoz talablarini qodrivuchi moliyaviy qarorlar qabul qilishni yo‘lga qo‘yish, yangi bank xizmatlarini joriy etish bank rivojlanishining asosiy strategik yo‘nalishini tashkil etadi. Bankning investitsiyalarni jalb etuvchi jihatlarini kuchaytirishni ta’minlash hamda boshqarish va texnologik jarayonlarni zamonaviylashtirish yo‘li bilan moliya bozorida yuqori darajadagi mavqeni saqlab turish.
Bankning ustuvor vazifalari quyidagicha:
- Mamlakatimizning barcha tuman va viloyatlarida, shu jumladan Toshkent shahrida, Turonbank filiallari to‘rini va qo‘shimcha bo‘linmalarini kengaytirish;
- Mijozlar bazasini kengaytirish hamda undagi korporativ kliyentlar xissasini ko‘paytirish;
- Faoliyat turlarini kengaytirish va xizmatlar sifatini yaxshilash;
- Tashqiqtisodiy faoliyatni kengaytirish va bankning valyutali zaxiralarini (rezerv) ko‘paytirish;
- Mijozlar bilan bo‘lgan o‘zaro ta’sir tizimini takomillashtirish hisobiga bankning savdo-sotiq va daromad olish hajmini
- o‘stirish;
- Aktivlarni diversifikatsiya (xilma-xil) qilish;
- Bank texnologiyalari va savdo-sotiq alternativ yo‘llarini rivojlantirish, yuksak mehnat unumdorligiga erishish;
- Bank xizmatlari hammabopligini rivojlantirish;
- Operatsiyalar tannarxini kamaytirish va xodimlar shtat sonini optimizatsiyasi hisobiga xarajatlar (chiqimlar) ustidan nazoratni saqlash;
- Daromad va bank rentabelligini ko‘paytirish asosida barqaror rivojlanishni ta’minlash;
- Kapitalizatsiya darajasini oshirish hisobiga bankning zaxira (resurs) bazasidagi o‘z mablag‘larini ko‘paytirish.
Bank faoliyatining an’anaviy standartlariga sodiqlik, oqilona moliya siyosatini olib borish, sifatli menejment va yangi texnologiyalardan foydalanish mijozlarning bankga nisbatan ishonchini mustahkamlash va bank nufuzining ortishiga xizmat qildi. Kredit siyosatini takomillashtirish jarayonida bank kredit bilan bog‘liq tavakkallarning minimal darajada bo‘lishini ta’minlash va kreditlar sonini ko‘paytirishga katta e’tibor qaratadi.
