Sizlar zamonaviy jamiyatning eng muhim ustunlaridan biri – axborot maydonining fidoyilari, el-yurtni xolis va haqqoniy ma’lumot bilan ta’minlovchi, so‘z orqali ijtimoiy ongni shakllantiruvchi, jurnalistika kasbining mashaqqatli, ammo sharafli yo‘lida xizmat qilayotgan hurmatli hamkorlarimizsiz.

Turonbank jamoasi nomidan va shaxsan o‘z nomimdan Sizlarni 27-iyun – Matbuot va ommaviy axborot vositalari xodimlari kuni munosabati bilan chin qalbimdan tabriklayman!

Bugun axborot tezligi har qachongidan ham muhim bo‘lgan davrda Sizlarning faoliyatingiz – haqqoniylik, tezkorlik va ishonchlilik tamoyillariga asoslangan holda jamiyatimizda ochiqlik hamda oshkoralikni ta’minlashda muhim rol o‘ynamoqda.

Bankimiz faoliyatini yoritishda, moliyaviy savodxonlikni oshirishda, mijozlar bilan ochiq hamda samarali muloqotni yo‘lga qo‘yishda ko‘rsatgan yordamingiz, doimiy e’tibor va hamkorligingiz uchun chuqur minnatdorlik bildiraman.

Sizga va jamoangizga mustahkam sog‘liq, ijodiy ilhom hamda qalamingiz o‘tkir bo‘lishini tilayman. Har bir so‘zingiz xalqimiz manfaatiga xizmat qilsin!

Bayramingiz muborak bo‘lsin!

Hurmat bilan,
“Turonbank” ATB Boshqaruv raisi
Mirzayev Chori Sadibaqosovich