Strategik hamkorlik: innovatsion ta’lim va moliyaviy texnologiyalar sari yangi qadam

“Turonbank“ ATB tomonidan ta’lim, innovatsiyalar va startap ekotizimini rivojlantirish yo’lida yana bir muhim tashabbus amalga oshirilmoqda.

Yangi Oʻzbekiston universiteti hamda “Turonbank“ ATB oʻrtasidagi strategik hamkorlik doirasida yoshlarning zamonaviy bilim va amaliy koʻnikmalarini rivojlantirishga xizmat qiluvchi yangi imkoniyatlar yaratiladi.

Mazkur hamkorlik doirasida:

• Bloomberg Financial Laboratory zamonaviy oʻquv va tadqiqot laboratoriyasi tashkil etiladi;
• Talabalar, professor-oʻqituvchilar va tadqiqotchilar moliya bozorlari hamda investitsiya muhitini real vaqt rejimida tahlil qilish imkoniyatiga ega boʻladi;
• Startap tashabbuskorlari uchun Ideaton, Xakaton va Akseleratsiya dasturlari tashkil etiladi;
• Innovatsion gʻoyalarni qoʻllab-quvvatlash va ularni amaliy loyihalarga aylantirish uchun moliyaviy imkoniyatlar kengaytiriladi.

Ushbu hamkorlik yoshlarning innovatsion salohiyatini roʻyobga chiqarish, zamonaviy moliyaviy bilimlarni amaliyot bilan uygʻunlashtirish hamda raqobatbardosh startap loyihalarni shakllantirishda muhim poydevor boʻlib xizmat qiladi.

TuronBank — ta’lim, innovatsiya va taraqqiyot yo’lidagi ishonchli hamkor.