Mahallalarda bank xizmatlari yanada yaqinlashmoqda!

O‘zbekiston Respublikasi Markaziy banki topshirig‘i ijrosi doirasida hududlarda bank xizmatlarini ommalashtirish hamda yordamchi-agentlar malakasini oshirishga qaratilgan ishlar izchil davom etmoqda.

Mazkur topshiriq ijrosini ta’minlash maqsadida “Turonbank” ATB Davlat dasturlari departamenti va Matbuot jamoasi tomonidan joriy yilning 4-6 aprel kunlari Buxoro va Navoiy viloyatlarida o‘quv-seminarlar tashkil etildi.

Seminar davomida quyidagi muhim yo‘nalishlar batafsil yoritildi:

• Mahallalarda bank xizmatlarini keng targ‘ib qilish
• Aholining moliyaviy va raqamli savodxonligini oshirish
• Yordamchi-agentlar faoliyatini samarali tashkil etish
• Naqdsiz hisob-kitoblar amaliyoti
• Yangi mijozlarni jalb qilish mexanizmlari

Mazkur tashabbus orqali hududlarda bank xizmatlarining qamrovi kengayib, aholiga yanada qulay va tezkor moliyaviy xizmatlar yetkazib berilishi ta’minlanadi. Bu esa yangi biznes tashabbuslarini qo‘llab-quvvatlash va iqtisodiy faollikni oshirishga xizmat qiladi.

Turonbank — har bir hududda imkoniyatlar eshigini ochadi!