“XXI asr” gazetasida Turonbankning mahallabay faoliyati haqida maqola chop etildi!

“XXI asr” gazetasining 25 (1179)-sonida “Mahalla bankiri – iqtisodiy o‘sishning quyi bo‘g‘inidagi drayveri” nomli maqola e’lon qilindi. Mazkur material “Turonbank” ATB Toshkent shahar BXM mahalla bankiri xodimi Faridun Egamshukurov tomonidan tayyorlangan.

Maqolada mamlakatimizda mahallabay ishlash tizimi, mahalla bankirlari faoliyatining o‘ziga xos jihatlari, aholi bandligini ta’minlash, tadbirkorlikni qo‘llab-quvvatlash va hududlarda iqtisodiy faollikni oshirish borasida amalga oshirilayotgan islohotlar keng yoritilgan.

Shuningdek, materialda mahalla bankiri institutining iqtisodiy rivojlanishdagi o‘rni, fuqarolarning daromad manbalarini kengaytirish, kichik biznes va oilaviy tadbirkorlikni rivojlantirishdagi amaliy natijalari real misollar orqali ochib berilgan. Bu esa “Turonbank” ATBning hududlarni kompleks rivojlantirish va aholi farovonligini oshirish yo‘lidagi faol ishtirokining yana bir yorqin ifodasidir.

Turonbank — jamoaviy harakat va foydali tashabbuslar yo‘lida!