Bulung‘urda tadbirkorlar bilan ochiq muloqot: muammolarga amaliy yechim

Bulung‘ur tumanida tadbirkorlar bilan ochiq muloqotlar o‘tkazilib, ularning biznes faoliyatini rivojlantirish, yangi loyihalarni amalga oshirish hamda mavjud muammolarni hal etish bilan bog‘liq murojaat va takliflari joyida tinglandi. Xususan, “Sohil bo‘yi” loyihasi doirasida faoliyat boshlash istagidagi tadbirkorlar bilan uchrashuv o‘tkazilib, ularning tashabbuslari va ehtiyojlari muhokama qilindi.

Shuningdek, Navbahor mahallasida faoliyat yuritayotgan tadbirkorlar bilan uchrashuvda Bulung‘ur tumani hokimi S.Astonov hamda “Turonbank” ATB Boshqaruv raisi o‘rinbosari D.Rustamov ishtirok etdi. Muloqotlarda tadbirkorlarning murojaatlari tinglanib, biznes loyihalarini moliyalashtirish, tadbirkorlik faoliyatini kengaytirish va mavjud muammolarni bartaraf etish bo‘yicha zarur choralar muhokama qilindi.

Bildirilgan murojaat va takliflar yuzasidan mas’ullarga aniq vazifalar belgilanib, tadbirkorlik subyektlarini qo‘llab-quvvatlash, zarur shart-sharoitlarni yaratish hamda muammolarni tezkor hal etish bo‘yicha tegishli topshiriqlar berildi.

Turonbank — tadbirkorlar tashabbuslarini qo‘llab-quvvatlaydi!