Mahallalarga bank xizmatlari yaqinlashmoqda!

“Turonbank” ATB Davlat dasturlari departamenti tomonidan joriy yilning 16-may sanasida Qashqadaryo viloyati, Qarshi shahrida mahalla bankirlari hamda yordamchi-agentlar uchun o‘quv-seminar tashkil etildi.

Seminar davomida yordamchi-agentlar faoliyatiga oid muhim yo‘nalishlar yuzasidan atroflicha ma’lumotlar berildi. Jumladan, kredit tarixi, kafillik, garov, bank kartalari, kiberxavfsizlik hamda shartnomalar bilan ishlash tartiblari bo‘yicha tushuntirishlar olib borildi.

• Mahallalarda bank xizmatlarini keng targ‘ib qilish
• Aholining moliyaviy va raqamli savodxonligini oshirish
• Yordamchi-agentlar faoliyatini samarali tashkil etish
• Naqdsiz hisob-kitoblar amaliyoti
• Yangi mijozlarni jalb qilish mexanizmlari

Seminar yakunida ishchi guruh tomonidan mahallalarda amalga oshirilayotgan loyihalar ham ko‘zdan kechirildi. Hudud aholisi bilan ochiq muloqotlar o‘tkazilib, fuqarolarning murojaat va takliflari tinglandi.

Turonbank — har bir hududda imkoniyatlar eshigini ochadi!