Qarshida tayanch mahalla bilan ishlashning amaliy bosqichi

Qashqadaryo viloyati Mirishkor tumanidagi “Jeynov” MFY tayanch mahalla sifatida belgilangan bo‘lib, unga yondosh “Avvona” MFYda ham mahalla yettiligi, faollar va tadbirkorlar bilan uchrashuvlar o‘tkazildi. Muloqotlar davomida hududlarning mavjud salohiyati, tadbirkorlikni rivojlantirish imkoniyatlari va yangi loyihalar yuzasidan fikr almashildi.

O‘rganishlar davomida tadbirkorlarning muammo va takliflari bevosita joyida tinglanib, faoliyatni kengaytirish, yangi loyihalarni amalga oshirish hamda aholi uchun qo‘shimcha daromad manbalarini yaratish bo‘yicha imkoniyatlar muhokama qilindi.

“Turonbank” ATB Boshqaruv raisi o‘rinbosari D.Rustamov boshchiligida olib borilgan o‘rganishlarda uchrashuv joylariga chiqilib, tadbirkorlarning loyihalari va tashabbuslari bilan yaqindan tanishildi. Ularni moliyalashtirish, mavjud loyihalarni kengaytirish va yangi ish o‘rinlari yaratishga ko‘maklashish masalalariga alohida e’tibor qaratildi.