“Turonbank” ATB aksiyadorlarining navbatdagi yillik umumiy yig‘ilishi bo‘lib o‘tdi

2026-yil 26-iyun kuni Toshkent shahrida “Turonbank” aksiyadorlik tijorat banki aksiyadorlarining navbatdagi yillik umumiy yig‘ilishi bo‘lib o‘tdi.

Yig‘ilish davomida bankning 2025-yildagi moliyaviy-xo‘jalik faoliyati yakunlari, yillik hisobot va tashqi audit xulosasi ko‘rib chiqildi hamda tasdiqlandi. Shuningdek, 2026-yilda bank faoliyatining ustuvor yo‘nalishlari, sof foydani taqsimlash, korporativ boshqaruv tizimini takomillashtirish, tashkiliy tuzilmani yangilash, Ustavga o‘zgartirish va qo‘shimchalar kiritish hamda bank faoliyatiga oid boshqa muhim masalalar yuzasidan tegishli qarorlar qabul qilindi.

Qabul qilingan qarorlar bankning barqaror rivojlanishi, korporativ boshqaruv samaradorligini yanada oshirish hamda aksiyadorlar manfaatlarini ta’minlashga xizmat qiladi.