“TuronBank” ATB Boshqaruvi Raisi “Qarshi Truba Plast”, “Steel Ta’minot” hamda “Kitob Sement” korxonalarida bo‘ldi.

Korxonalar rahbariyati bilan bo‘lib o‘tgan muloqot davomida ishlab chiqarish jarayonlari, mavjud quvvatlar hamda istiqboldagi rivojlanish loyihalari bilan yaqindan tanishildi.

Uchrashuvlarda korxonalarni yanada rivojlantirish, moliyaviy sog‘lomlashtirish va ishlab chiqarish samaradorligini oshirish masalalari muhokama qilindi.

Shuningdek, mazkur korxonalarga investitsiyalar jalb etish, zamonaviy texnologiyalarni joriy etish va yangi ishlab chiqarish quvvatlarini yaratish maqsadida Turkiya va Xitoydan kelgan investorlar bilan muzokaralar o‘tkazildi.

Muzokaralar davomida o‘zaro manfaatli hamkorlikni kengaytirish, yangi investitsiya loyihalarini amalga oshirish hamda korxonalarning raqobatbardoshligini oshirish istiqbollari yuzasidan fikr almashildi.